Så vart det jul igjen... 🎅🏻🎄😀

Denne førjulstida har berre rast avgårde og no er vi på den siste dagen før jul. 

Vi har virkelig hatt det veldig kjekt og det har vore ein innhaldsrik desember månad på Løvetanna. 🎄🎅🏻🤶🏻😀

      

Vi starta tidleg med både baking av julemenn og pepperkaker slik vi kunne nyte førjulstida med litt julekaker 😉☺️

   

Kvar mandag har vi hatt adventssamling der vi har formidla julebodskapen. Vi har brukt flanellograf og julekrybba med konkretar for å formidle historia. Vi har tent lys og det har vore ei fin atmosfære rundt denne stunda. 

Inni mellom alle juleverkstadane og faste aktivitetar har vi brukt tid på å skape gode stunder der vi lest bøker, hatt artige leikegrupper og prøvd å kosa oss i ein kanskje litt hektisk førjulstid. 😊

    

I år har julekalenderen på Løvetanna vore å pynte juletreet på avdelinga. Det har fått ein ny julepynt kvar dag, og det barnet som har fått pynta juletreet har også fått tatt med seg pepperkakehjertet sitt heim denne dagen. 

  

Tradisjonen tru så har vi vore i kyrkja på barnegudstjeneste. Bussturen var nok like spennande for desse små som gudstjenesta. 

Vi hadde svineribbe til lunsj saman med Solsikka, og da dukka det plutselig opp to julemus som ville vaske og styre litt inne på avdelinga til oss. 😊

Luciafrokost med luciatog og ein god frokost saman med foreldra er eit minneverdig stund i seg sjølv. Små og store såg ut til å nyte denne stunda i førjulstida. 🎄🎄🎄🎅🏻

Vi har gått oss ein tur i nærområdet for å sjå etter juleteikn, og det fant vi mykje av 😊🙂 Spennande å finne ei så stor snømann også da! 

Mange kjekke aktivitetar har vi vore gjennom denne perioden og vi kan sjå tilbake på ei koselig førjulstid. 🎅🏻🎄🤶🏻❤️ No tek vi ein velfortjent juleferie både store og små og gler oss til å ta fatt på det nye året 🎉 

Ønsker alle ei riktig god jul og eit godt nytt år 🎅🏻🤶🏻🎄🎉🎉