Eventyrstund med Ole Brumm.

På avdelinga for 2-3 åringane har vi Ole Brumm som tema. Og i den anledning har vi printa ut og laminert eventyr av Ole Brumm, så barna skal få lese i det og bli lest for. Laminerte bøker tåler ein støyt og er midt i blinken for barn i 2-3årsalderen. For barna i denne alderen blir gjerne så glade i bøkene at dei gjerne vil ha  med seg bøkene rundt omkring på avdelinga.

Barna har på kort tid fått god kjennskap til karakterane i hundremeterskogen og synest det er kjekt både å høyre om dei og å synge sangane om dei. Vi har også bilete av karakterane på veggen og har bamsar av dei. 

Animasjonsfilm laga av førskulebarna

Solsikka har den siste tida hatt eventyr som tema. Då har vi lest uendeleg mange eventyrbøker, med eventyr både av norsk og utanlandsk opphav. Barna har lytta til forteljingar, uttrykt seg gjennom ulike dramatiseringar og dukketeater. Dei har også brukt konkretatar for å leike nokre av eventyra både i pedagogisk bruk av leik og i fri, barnestyrt leik.

 

Eit høgdepunkt var å få opptre med dramatisering av eventyra "Skinnvotten", "Gullhår og dei tre bjørnane", og eventyret "Dei tre bukkane bruse", for dei andre barna i barnehagen.

 

Førskulebarna har i tillegg tatt i bruk IKT som verktøy, og har laga ein fin animasjonsfilm av eventyret "Skinnvotten". Gjennom dette arbeidet har vi hatt fokus på at barna skal:

• Bli kjend og fortruleg med dei ulike digitale verktøya som vi har i barnehagen.
• Erfare at dei digitale verktøya er eigna hjelpemiddel til utforsking, leik og læring
• Vere med i heile prosessar og bruke ulike programvare for å lage animasjonsfilm
• Få oppleve at bruk av digitale verktøy har verdi i seg sjølv og i kombinerte aktiviteter.
  

  
  

DU KAN SJÅ OG NYTE RESULTATET HER:

(NB! SKRU OPP LYDEN)

 

Førskulebarna prøver seg som filmskaparar

Alf Prøysen si bok "Skinnvotten", er ein gjengangar rundt om i norske barnehagar. Kvar vinter vert dette ukrainske folkeeventyret formidla og arbeida med på ulike måter.

Ein gammal mann mister votten sin i skogen. Ei lita mus får auge på den, og bestemmer seg for å tilbringe natta i votten...  

Vi vil at barna skal bli kjent med ulike folkeeventyr, formidla på ulike måter. Vi bruker bøker, flanellograf, lydbøker og konkretar. Barna får øve på å lytte til høgtlesing og forteljing og skape eigne bilete i fantasien. Desse inntrykka ønsker vi skal stimulere ønske om å uttrykke seg gjennom eigne forteljingar, kunst og drama. Vi øver på ulike uttrykksformer som drama, teikning, maling og musikk. 

Dei eldste barna bruker denne veka filmskaping som uttrykksform når dei skal gjenfortelje eventyret. 

Vi har starta på arbeidet med å lage animasjonsfilm..

Vi brukar programvara "Klikk" som læringsverktøy. "Klikk" er enkel i bruk slik at barna sjølv kan lage animasjonsfilm. 

På denne måten vert leik og læring kombinert på ein god måte. Å legge til rette for aktive og kreative barn, som kan skape digitale uttrykk, meiner vi er å tenke heilheitleg om den digitale danninga deira. Det å skape sin eigen film er ein meiningsskapande læreprosess der det er viktig at dei får rettleiing knytt til form, innhald, teknologi og handverk. Slik legg vi til rette for digital danning i barnehagen.

Tema: DEI TRE BUKKANE BRUSE

Reprise av Gullhår og dei tre bjørnane

I januar hadde vi eventyr som tema og dette er noko som virkelig har festa seg hos barna. I dag hadde dei minste på Solsikka lyst til å dramatisere Gullhår og dei tre bjørnane, og vi laga til på plattingen ved dukkehuset og publikum satte seg i amfiet og var klare til forestilling. Denne forteljinga dramatiserte dei nesten uten hjelp til å fortelje. Ei kjekk forestilling både for store og små! 

Bjørnane hadde laga graut, men den var alt for varm, så dei måtte gå seg ein tur i skogen. I mellomtida var Gullhår og mammaen på tur ute i skogen.

Ho var så svolten at ho måtte berre smake litt på grautskålene som stod der. Og enda opp med å ete opp all grauten til den vesle baby bjørnen. Gullhår var ganske trøtt og gjekk for å finne seg ei seng. Og der sovna ho!

Etter ei god stund så kom bjørnane tilbake for å ete grauten sin. Dei såg at nokon hadde smakt på grautane deira. Dei vart litt forskrekka og skjøna ikkje heilt dette. Men da bestemte dei seg for å gå opp på loftet for å legge seg. Og det same hadde skjedd her...nokon hadde ligget i sengene deira. Og nokon ligg i baby bjørnen si seng enda!!! Og i det bjørnane såg ned på Gullhår vakna ho og spratt ut av senga og ut av huset i full fart! Og sidan har ikkje bjørnane sett ho Gullhår, og snipp snapp snute så var det eventyret ute.

Dei fekk spele det fleire gongar, og vi måtte bytte på å ha roller og vere publikum. Plattingen ved dukkehuset har blitt ein fin plass for barna til å lage "show" og vi blir rett som det er invitert til å delta på showet deira. Eller berre for å vere publikum i amfiet. 

Solsikka på tur i indianarskogen for å filme Bukkene Bruse!

I dag hadde vi eigentleg plan om å gå i skogen og steike pannekaker på bål. Men sidan det ikkje er tillat med bålbrenning no når det er så tørt blei det endring i planane. Vi fant ut at vi fortsatt ville gå på tur i skogen, men vi droppa bålet og pannekakene og åt frukt i staden. Sidan temaet denne perioden er eventyr har vi på Solsikka jobba ein del med ulike eventyr, og vi fant ut at vi kunne bruke denne turen til å dramatisere og filme dei tre Bukkane Bruse. Der vi fokuserte på at barna fekk ta ulike roller, og leve seg inn i denne dramaverdenen. Barna stor kosa seg, og det blei mange gode filmar. Filmen vil kome på bloggen så raskt den er ferdig!

               På vei opp til brua og til å gå over brua.

       

Brua som Bukkane Bruse måtte gå over for å komme seg til sætra for å gjere seg feite.

  

Først kom den lille Bukkane Bruse og ville gå over brua til trollet.

Under brua låg der 2 troll og sov og lurte på kven det var som trappa på brua hans.

Den lille Bukken bruse blei redd og sa at dei ikkje måtte ta han, den neste bukken som kom var mykje større. Åja, så gå da sa trollet.

Den lille Bukken bruse gjekk til seters for å gjere seg feit.

Så kom den mellomste Bukkane bruse og skulle gå over brua.

Kven er det som tramper på mi bru? Ropte trolla. Det er den mellomste Bukkane bruse og skal til seters og gjere seg feit. No kjem vi og tek deg, skreik trolla. Nei, ikkje ta meg. Berre vent den neste som kjem er mykje større enn meg, ta han du. Åja da, så gå da. Sa trollet.

Så gjekk den mellomste Bukkane bruse til seters for å gjere seg feit.

Så kom den største Bukkane bruse opp på brua.

Trollet syntes at det var fælt til bråk, og sa det same som han hadde sagt til dei andre bukkene. Men denne Bukkane bruse var ikkje redd for trollet og han stanga trolla ned i elva. Og dei tre Bukkane bruse kunne no gå til sæters og gjere seg feite. Og snipp snapp snute så var det eventyret ute.

  

Leik med Gullhår og dei tre bjørnane

Solsikka har tema eventyr no i denne perioden. I dag har vi leika med figurane og barna har laga sine fortellingar med figurane. 

Førskulebarna lager eventyrbok!!

Førskulebarna jobber med å lage eventyrbok!! Eventyret handlar om ei prinsesse, ein samurai, to ninja, ein Lego city politi, ein prins og ein hund som stakk av!! Dette blir spennende kan dokke tru!