Det er ein forventningsfull gjeng som møtast i barnehagen tidleg fredag morgon. Og vi er heilt klare når minibussen kjem køyrande og stoppar ved porten klokka halv ni. Vi finn oss plassar og festar setebeltet.
Det tek ca ein halv time å køyre over fjellet til Sykkylven der vi må ta ferge. Så då passa det fint med ein liten beinstrekk når vi kjem til ferga.
Når vi har betalt og vore på ein liten obligatorisk "dorunde" er vi klar for ein halvtimes køyretur frå ferga og mot Ålesund. Når vi kjem fram til Atlanterhavsparken er det mange som er klar for ein liten matbit og litt drikke før vi tek ein kikk rundt på akvariet.
Vi samlar oss rundt kokken sin kjøkkenbenk og får vist kva vi skal gjere når vi om litt skal dele oss i grupper og tilberede vår eigen lunsj. Alle fulgte nøye med og huska alt ho sa...
Over alt er det nye, spennende ting som fanger merksemda til barna. Dei er aktive, reflekterte og kunnskapsrike... Og deler gjerne kunnskapen sin med resten av gjengen. Tida går fort, og snart er det klart for lunsjavtalen vår. Heldigvis treng vi ikkje gå langt, for Klippfiskakademiet held til i samme bygg som akvariet. Vi går opp trappene og der blir vi tatt imot av kokken som vi har avtale med.
Så var det vår tur.. Vi gjekk til våre kjøkkenøyer og begynte å kokkelere!
Barna kutta fiskefilleter i små bitar som dei putta i kjøkkenmaskina i lag med salt, pepper, potetmjøl og mjølk. Så hadde vi fiks ferdig fiskefarse, klar til å formast til fine fiskeburgerar. Snart surrer det i steikepannene og ei deilig lukt spreidde seg inne på kjøkkenet. Då dette var gjort, kutta dei opp salat, paprika, tomat, agurk som dei fordelte i skåler saman med mais og rømmedressing.
Etter at alt arbeidet var utført med stil, var vi klare til festmåltid med fantastisk utsikt mot breisundet...Og selbassenget.
Stemninga var veldig god då vi kosa oss med sjølvsaga mat. Vi snakka om kor heldige vi var som fekk oppleve dette.. Ei jente sa: "Gro, du er vel kjempeglad for at du fekk vere med, og slapp å sitte på kontoret heile dagen?" .. Og så kom vi inn på at vi vaksne kom til å bli veldig triste når dei må slutte i barnehagen... Og så vart det så mange "store ord" at det vart foreslått at vi måtte ta ein "skål" for den fine tida vi har hatt i lag..
Det var ei fin avrunding på eit deilig måltid på Klippfiskakademiet, og vi gjorde oss klar for fleire opplevingar nede i akvariet.
Dykkarshowet gleder både små og store.. Og vi let oss imponere av enormt store torskar, sei og kveiter. Vi ler godt når dykkaren mater ei skate inn mot vindauget, og vi ser på medan ho prøver å få fiskebiten inn i munnen.. Og alle syntes det er kult med ekte hai som svømmer rett forbi, sjølv om den er litt liten...
Dette er den kjekkaste plassen, seier ein av gutane då vi kjem til "aktivitetsrommet". Her er det lov å ta opp det ein ønsker frå sansebassenget. Mange vil halde sjøstjerner, sjøpølse, musling og anna. Nokon dristar seg til og med til å halde dei "skumle" trollkrabbane og ein hummar.
Muslingen er skikkeleg kuul og barna ler høgt når den fyk bortover sandbotnen.
På rekke og rad legg barna seg bortover bryggekanten for å prøve fiskelykka på krabbefiske. Men krabbane har nok fått ein god lunsj, dei også. For dei verkar ikkje vere veldig freista av fiskebiten som heng i enden av snøret. Men barna er tolmodige og nokre får napp, og ropar overraska av glede. Dei vert heilt oppslukte av aktiviteten, og gløymer både tid og stad. Det er vanskeleg å rive seg laus for å fortsette runden..
Pingvinane er veldig søte og det er kjekt å sjå på at dei blir fora med fisk av ein mann i "pingvindress". Den lille babypingvinen " Frode", kunne vi egentlig tenke oss å ha med tilbake til barnehagen.
Etter å ha sett litt på selane i selbassenget og å ha leika litt ute i den kjekke vannrenna, må vi berre innsjå at det er tid for heimreise.
Vi henter sekkane våre og rusler slitne men fornøgde mot bussen..
Ingen kommentarer:
Legg inn en kommentar