Matglede på Løvetanna

Dei tre siste vekene har Løvetanna hatt tema «matglede i barnehagen». Gjennom desse vekene har vi hatt fokus på å skape gode opplevingar for barna, dei har fått vore med på ulike måtar å tilberede mat, hausta grønsaker og vore på butikken å handla. Vi har hatt som mål å skape interesse og nysgjerrigheit kring mat og matlaging hjå barna. Det har definitivt vore eit positivt tema på avdelinga og vi har hatt mange gode opplevingar i lag. 

Vi starta fyrste veka med å plukke epler, her opna det seg opp for mange gode samtala - kvifor er epla raude? Kvifor veks dei på tre? Kvifor er dei ikkje blå?   Vi undra oss ilag med barna, sjølv om ikkje alle spørsmål kunne besvarast. 

Når epla var hausta måtte vi sjølvsagt dra nytte av dei. Vi laga grove eplemuffins, og barna fekk lage sin eigen. Å ta dei med på heile prosessen var ein viktig del av arbeidet dette temaet. Ekstra gode muffins - laga med små barnehender.

Vidare skulle vi i skogen å lage mat, for lite slår å ete varm deilig mat frå bål i skogen! Vi førebudde oss godt dagen før, skar fisk, grønsaker og laga vår eiga skattekiste til å ta med på skogstur. 

Ambisiøst var det, fyrste skogstur for heile Løvetann-gruppa i haust! Men for ein herleg tur det vart! Vi skulle ynskje vi hadde teke med oss hengekøyer slik vi fekk vere lengre, men det får bli neste gong. 

Siste veka med matglede som tema fann vi ei fristande oppskrift på grønnsakssuppe. Vi skreiv handleliste og gjekk til butikken for å kjøpe inn det vi trengde til å lage suppa.

Når innkjøpa var gjort var det tid for førebuing. Den som ville fekk skrelle og skjære opp grønnsakene.

Nydelig grønsaksuppe kokt på bålpanna i barnehagen! 

Vi sit igjen med gode minner, nye erfaringar og mykje å prate om. I barnehagen har vi fokus på sunn og variert mat, der barna skal få eit godt og naturleg forhald til mat. Maten vi et er viktig, men korleis vi legg opp til måltid er like viktig. Å skape gode måltidssituasjonar som gir rom for samtale og undring er noko vi verdset høgt og som vi meiner er viktig for barna å ta med seg vidare.