På Løvetanna var revegruppa inne på formiddagen og leika med hinderløype. Vi måtte liste oss over trollebrua, hoppe over slangen, klatre opp stigen, sile ned sklia og balansere på "stokkar og steinar" så vi ikkje skulle dette i sjøen. Det var ikkje alt som var like enkelt, men vi var flinke til å prøve og utfordre oss sjølve 😊
Etterpå ville alle vise kor sterke dei var og hjelpe den vaksne å rydde på plass, men da oppstod det eit problem...
"Den sitt fast i golvet!" Barna straumde til for å sjå. Det går vel ikkje an at den sitt fast i golvet?!
Joda! Den eine "steinen" ville ikkje rikke seg. Den vaksne kom for å hjelpe, men den satt bom fast. Det vart mykje undring og diskusjon blandt barna.
Har nokon gjøymt seg under og held den fast?
Den vaksne fortalde at det er noko som heiter vakuum, det er lufttrykket som gjer at den sug seg fast i golvet. Då må vi finne ein måte å få luft inn under den slik at den løsnar. Vi prøvde først med eit skrujern, den var litt for tjukk. Så prøvde vi med ein kniv, den var heldigvis smal nok. Hurra, vi greide å løsne den! 😃
Ingen kommentarer:
Legg inn en kommentar