Eg merkar det med ein gong eg kjem inn døra. Barna er forventningsfulle og vandrer rundt i barnehagen. Dei ventar på "klarsignalet". For i dag skal det fotograferast!
Etter ein lang periode med varme barnehagedagar- er hausten komen med kald, klar haustluft. Benkane som skal brukast til fotogaferinga, er våte av morgondogg, og diskursjonane rundt kva barna må ha på seg av kle, under fotograferinga denne kalde morgonen, er i gong. Skal det vere med dress, utan dress, med eller utan jakke eller lue...Løysinga blir eit kompromiss...Dei minste må ha på dress. Det er for kald for desse små utan..Dei andre har tjukke genserar eller jakker, alt ettersom...
Dei vaksne har allereie vore gjennom ein hektisk morgon med å skaffe oversikt over kven av borna som ikkje har dukka opp enda, kven som har fått ekstra beskjed fordi dei ikkje har vore i barnehagen på nokre dagar, og kven av barna som ikkje har dag- men som kjem til fotograferinga likevel. Det er viktig at alle får moglegheita til å vere med på bilete. Det har vore vasking av ansikt, tørking av snørr og trøysting av barn som ikkje har tenkt å vere med på bilete.
Så går klarsignalet!
Cecilie, vår eigen private fotograf, har rigga seg til og er klar for prøvebilde.
Ei gruppe barn set seg på benken slik at Cecilie får ta nokre testbileter før sjølve fotograferinga tek til.
Så kjem dei andre barna på rekke og rad. Løvetanna tek først- og ler av Cecilie som tøyser i stigen. Det er trygt å ha "sin eigen" Cecilie som fotograf, og smila og latteren sit laust.
Så er det småbarnsavdelinga sin tur. Dei er nok litt meir undrande og skaptiske til kva som skal skje. Og vi ser at vi har ei utfordring i forhold til kven som fktisk greier å sitte på benken, utan å dette ned. Etterkvart får vi henta ein tripp-trapp og nokre stolar, plassert dei vaksne strategisk til, slik at dei kan halde i kvar sine barn. Så er vi klare.
Nokre av barna treng bamse eller anna som trøyst, men ingen ser skrekkslagne ut, så då er vi fornøgde. Cecilie tøyser - og knipser mange bileter.
Så er det dei eldste barna sin tur. Dei kjem erfarne inn frå sida og finn seg plassar. Dei eldste bakerst og dei yngste fremst. Rutinerte og fotogene, smilar dei til fotografen, medan dei passar på at sidemannen gjer det samme....
Cecilie tek mange bilder- og vi gler oss til å henge bileta på veggen i barnehagen!! I lag med alle dei andre bileta, av barn som har gått i Tusenfryd Barnehage, opp gjennom tida.
Ingen kommentarer:
Legg inn en kommentar