Indianerfest i skogen

  

Ville indianerrop kunne høres i indianerskogen vår på onsdag. Då var det klart for eit nytt førskuletreff for førskulebarna. Denne gongen var det vår tur til å få besøk av dei andre skulestartarane i Stranda. Tidleg på føremiddagen gjekk Åshild opp i skogen for å gjere klart bål og mat  til ca 30 indianerar. På menyen sto det indianerburger (fiskeburger med salat). Då klokka var 12 samla alle barnehagane seg i Tusenfryd, før vi gjekk i flokk og følge til skogen! Vi kunne kjenne lukta av bål lenge før vi kom fram til leirplassen. Stemninga var til å ta og føle på...

Det var spennanda å gå gjennom skogen i lag og vi gleda oss til å komme fram.

Vel framme kunne vi vere med på ulike aktivitetar som spikking med kniv, taubane, leike i nota, rolleleik i indianerteltet, skyte på ballonger m.m. 

Etter ei stund var det klart for samling rundt bålet. Og sjølvsagt sang vi indianersongar før vi fekk mat og drikke. Det var kjekt å få sitte tett i tett i lag med gamle og nye venner, rundt bålet. 

Førskuletreffa er ein del av Stranda kommune sin plan for overgangen barnehage- skule; "Den gode skulestart". Kvar barnehage arrangerer sine treff med ulikt innhald. Vi har vore på idrettsdag i idrettshallen som Ringstad barnehage arrangerte i vinter. Seinare i juni skal vi m.a.på cowboy- fest i Trollhaugen Bhg.  og besøke Helstad Bhg på "friluftsdag" på Lempen. Det gler vi oss veldig til!!