Førskulebarna opplever verdsarvbygda Geiranger

I september la vi i  førskulegruppa ut på vår første langtur som førskulebarn. Vi har snakka mykje om Stranda, bygda vår og om kommuna Stranda. Nokre av barna har vore ein del på tur rundt i kommuna. Alle har t.d. vore til Hellesylt, noken for å bade og noken har vore der på tivoli.. men ikkje alle har vore til Geiranger. Vi bestemte oss difor for å ta ein tur dit. 

Tidleg ein morgon reiste vi avgårde frå barnehagen med buss til Hellesylt og med ferge til Geiranger. 

Med i sekken hadde vi både nistemat, frukt og drikke. Ja, til og med kjeks hadde vi fått lov å ta med i sekken, denne dagen. 

På ferga, Bolsøy vart vi tatt godt i mot. Vi fekk servert varme sveler og kakao, og vart invitert opp på brua til skipper'n og kapteinen. Og då måtte vi sjølvsagt synge "når skipper' skal ha seg mat.." 

Dei hadde ein kul stol å sitte i. Derhadde dei full oversikt over både fjorden og det som gjekk føre seg på ferga. Alle ville prøve å sitte i stolen og styre ferga. 

I Geiranger sentrum vart vi sjølve ein liten turistattraksjon for alle turistane som ville ta bilde av oss. Men vi hadde eigne planar og var meir opptatt av troll, elbiler og andre spennende ting. Vi gjekk "råsene" oppover i bygda., medan vi snakka om kva ei "rås" er....Då vi kom til kirka tok vi ei drikkepause og såg på utsikta. Vi hadde også ein lengre samtale om kvifor vi ikkje bruker å springe mellom gravstøttene på kirkegården... det var ein reflektert gjeng med 5- åringer vi hadde med på tur denne dagen. 

Vel framme på Norsk Fjordsenter tok vi matpause ute før vi gjekk inn. Der vart vi møtt av ei hyggelig dame og ein mann som ikkje kunne snakke norsk. Han snakka berre engelsk og nokre andre språk. Dama sa at det var fordi det var så mange som kom på besøk til Geiranger som snakkar andre språk. 

Det var veldig spennende å gå rundt på senteret og sjå korleis det var i Geiranger i "gamle dagar", og så kunne vi sjå mange av dyra som lever i området no.  Vi såg både hjort og rev og mår... men dei var ikkje levande, altså.. 

Vi fekk også sjå ein mutimedie film av naturen i verdsarvområdet. Det var tydeleg at filmen gjorde inntrykk på fleire av oss. Vi høyrde fleire spontane uttrykk undervegs som "wow", "sjå der!", "oj!!" ... 

I underetasjen var det ei avdeling som berre var for barn. Her var det mange aktiviteter som vi sjølve kunne prøve ut. 

Vegen frå fjordsenteret og ned til sentrum var kjempekjekk og spennende. Vi fulgte dei lange trappene langs elva og fossen. Det var litt skummelt å stå så nærme fossen at det spruta på oss. 

Vel nede i sentrum igjen, gjekk vi til barnehagen i Geiranger. Vi hadde avtalt å komme innom dei på vegen tilbake. Og sjølv om besøket vart kort fordi vi hadde brukt mykje tid på fjordsenteret, var det eit kjekt besøk. 

Før vi gjekk ombord på ferga igjen, kjøpte vi oss ein liten suvenir, som minne fra turen. Det var ein søt liten elg, som fekk navnet "Geir" fordi han var frå Geiranger. 

På ferga tilbake til Hellesylt var det deilig å berre slappe av og kose oss på dekk. Vi sjarmerte nokre japanske turistar som gjerne ville snakke med oss, men det var ikkje så lett å forstå kvarandre. Det var då "Silje" på fem, kom på at dei kanskje kunne "Stein, saks, papir"...Dei kunne nok ikkje det ved ombordstigning, men vel framme på Hellesylt, hadde dei japanske turistane fått (uventa) kjennskap til norsk barnekultur... 

Vi hadde ein kjekk og  opplevelsesrik tur i lag med ein super, duper gjeng!! Vi prata masse.. lo mykje.. hjalp kvarandre... vart kjent med nye sider av kvarandre... hadde fine opplevelser i lag.. vart tettare knytt til kvarandre...og vart enda bedre venner..

Vi berre elsker å vere på tur ilag!!