Førstehjelpskurs for foreldregruppa i Tusenfryd

Av og til opplever vi å måtte stå i vanskelige situasjoner fordi barna våre blir akutt sjuke  eller skadar seg. I barnehagen erfarer vi at det er viktig å tenke gjennom og øve på korleis ein skal handtere slike vanskelege situasjoner om dei oppstår. Personalgruppa har rutiner for jamnleg kursing i førstehjelp og livberging ( også i basseng). 

Vi har fått tilbakemelding frå foreldre om at mange kan tenke seg eit slikt kurs.

Tusenfryd barnehage tilbyr difor førstehjelpskurs for foreldra, no i november. Dette blir i samarbeid med Per Inge Jelle i Stranda Røde Kors. Dei foreldra som vil delta på eit av kursa kan skrive seg på liste i barnehagen. 

Henry har flytta inn i barnehagen!

 I går kom Henry flyttande til Tusenfryd. Med seg på flyttelasset hadde han et flip-over plansjesett, en minnepenn med sanger om seg sjølv og en beskrivelse av korleis han liker å ha det. 

Henry er en gutt som til tider er svært uheldig, og som stadig kjem ut for ulykker. Han faller og slår seg, skjærer seg på kjøkkenkniven, setter ting i halsen, og mykje meir. Derfor kom også Per Inge Jelle fra Røde Kors innom for å lære barna kva som skal gjerast når ulykka skjer! Det var veldig spennende å høre om alt som Henry kjem ut for. Og det var lett for barna å kjenne seg igjen i dei ulike situasjonane som Per Inge fortalte om. 

Gjennom opplegget med Henry skaper vi bevisstheit om førstehjelp og hjelpevilje hos barn. 

Barna lærer om å snakke med og trøste den som har skada seg, kunne hente ein vaksen og/ eller ringe 113, samt enkel førstehjelp. . 

Eit stort ansvar...

Barna våre er det kjæraste og viktigaste vi har. Kvar morgon leverer foreldra dei små barna sine i barnehagen. Dei overlet sine kjære små "i armane" til personalet i barnehagen vår, og viser med dette at dei er trygge på at vi tek godt vare på dei her. 

                                      Foto: Crestock

Ein del av det å vekse opp er å teste ut eigne fysiske ferdigheiter, lære nye ting ved å prøve og feile, og av å til å falle og slå seg. 

Det er viktig at vi som har ansvar for barn i barnehagen, har riktig og nok kunnskap om det å forebygge og å handtere små og større ulykkessituasjoner som kan oppstå i fysisk leik og aktivitet. 

Derfor har vi krav om at alle som arbeider i barnehagen skal gjennomføre kurs i førstehjelp og at desse skal oppdaterast jamnleg. 

I år var det Per Inge Hjelle fra Stranda Røde Kors som holdt kurs for personalgruppa vår. Han arbeider til dagleg som ambulansesjåfør og har lang erfaring innan "førstehjelp".

Vi lærte m.a. om "kjeden som redder liv", "BLÅS-T", hjerte -og lungeredning, kvelning, sårskader, korleis handtere kritiske situasjoner med barn knytt til t.d. astma, krupp, feberkrampe, epilepsi, diabetes mm. 

Det å øve seg praktisk og å "automatisere" handtering av "krisesituasjoner" vil truleg gjere oss betre rusta til å gjere dei rette tinga, dersom ei "krise" skulle oppstå.