SKIPPERN`S SPINATSUPPE

SKIPPERN`S DEILIGE SPINATSUPPE 

"Har du ikkje smakt spinatsuppe!" Barna ser vantru på vikaren med store  auge. Kan det vere sant? Den vaksne vikaren nikkar og smiler. Men, i dag skal ho få smake på Skippern`s spinatsuppe i Tusenfryd barnehage. Dette er ei av "vekas suppe"som vi er så heldige å få servert i barnehagen vår. 

Spinat er ein grønnsak som barna her har vorte vant med å få servert både i supper og i smoothies. Og dei eldste barna kan fortelle at spinat, det blir vi "sterke" av  :-) «Vi blir faktisk berre sterkere og sterkere!», sei dei! 

OPPSKRIFT PÅ SPINATSUPPE: 
10 LØK
OLJE
2 KG FROSSEN SPINAT
8 L VATN
20 GRØNSAKBULJONG
500 GR PURRE
5 TS SALT
2 TS PEPPER
12 POTETER
6 DL FLØTE

For ei fantastisk oppfinning...

KIDPLAN er ein digital plattform med smart kommunikasjonløysingar  som er enkle for personalet å bruke. 

Anne Merete oppdaterer foreldra med info frå Løvetanna. 

Dei siste vekene har personalet tatt i bruk den nye plattformen med stor iver. Ein av dei største fordelane med PBL Kidplan er at barnehagen får samla alt på ein plattform.

Her har vi no både heimesida til barnehagen som er åpen for alle, og bak innlogging har foreldra (via pssord) tilgang til intern informasjon og kommunikasjon med barnehagen. Vi som er administratorar har vårt eige område for dokumentasjon og kommunikasjon. Systemet er logisk oppbygd og enkelt å bruke.

Her kan vi mellom anna

• Sjekke inn og ut barn digitalt 
• Legge ut bilde, enten til enkeltforeldre, grupper eller heile barnehagen
• Sende beskjedar til enkeltforeldre, ei avdeling eller heile barnehagen
• Vi har oversikt over løyveskjema fylt ut digitalt av foreldra
• Vi kan halde foreldra oppdatert på alt som skjer gjennom foreldre-appen Kidplan

På denne måten vert også mykje av dokumentasjonen vår lagra digitalt. I barnehagen brukar vi ipad og smarttelefonar. Vi får lett tilgjengeleg oversikt over kva born som er i barnehagen, kven som er sjuk eller har ferie, og vi har alltid informasjonen tilgjengeleg på telefon og ipad. No har også foreldra begynt å bruke løysinga, mellom anna ved å sende oss beskjeder via appen, dersom eit barn ikke kjem i barnehagen eller skal hentast av andre. Alt er då samla på ein stad.

KIDPLAN FORELDRE- APP

PBL Mentor Kidplan har utvikla ein eigen foreldre-app som gjer kommunikasjon med foreldra enklare. I appen kan barnehagen blant anna dele bilder, kalender og send beskjedar. Foreldra kan følge med på alt som skjer i løpet av barnehagedagen via appen, som å sjå bilder fra turane barnehagen har vore på og sende beskjeder. 

BILDEDOKUMENTASJON

Vi har  vel alle opplevd å få knappe svar på spørmålet "Kva har du gjort på i barnehagen i dag då?" 

Det er mykje som skjer i løpet av 8-9 timar i barnehagen. Like vel svarar barnet ofte berre "Eg har leika"...eller "Eg huskar ikkje..." 

Personalet prøver vere flinke til å dele (bak innlogging) bilder og små tekstar frå dagen i barnehagen, med foreldra. 

No kan foreldra nytte bilda og tekstane som bakgrunn for samtale med barna. Barna hugsar ofte lettare når det får sjå bilder av det dei har gjort. 

NY NETTSIDE

Også nettsida vår har vorte ny! Vi er stolte av barnehagen vår og er glade for å kunne vise fram både barnehagen, pedagogisk innhald og aktivitetar.  Og vi ønsker å tilby familiane verktøy som gjer at dei føler dei får betre innsyn i kvardagen i barnehagen.Det er viktig at dei får innsyn i meir det som skjer dei 5-10 minutta dei er innom på morgonen for å bringe barnet sitt til oss, og dei minutta dei er innom på ettermiddagen for å hente igjen. På same tid ønsker vi også å vise igjen utad, i eit konkuranseutsett marked. 

Vi ser at flere og flere tek verktøyet i bruk og tilbakemeldingane frå foreldra er veldig gode. Fleire kommenterer det at dei kan laste ned ein app på telefonen gjer at dei alltid har informasjonen med seg og at dei får påminningar om viktige møter eller aktivitetar der. 

Måltidet som ein pedagogisk arena

Eit sunt kosthald og gode smaksopplevingar er viktig for både store og små - både i barnehagen og heime. På Blåklokka har vi tre måltid per dag og det seier seg sjølv at dette då er ein stor del av barnehagekvardagen for dei små. Det er difor ein viktig arena for å skape matglede og fellesskap.
I den nye Rammeplanen for barnehagen har mat og måltid også fått ein tydelegare plass enn før. Dette kan nok vere eit resultat av at det dei siste åra har vore eit større fokus på maten som barna har med eller får servert i barnehagen. Rammeplanen viser også til at mat og måltid kan integrerast i alle fagområda. Her er nokre eksempel:

• Mat er identitet og kultur: i alle kulturar har mat og måltid ei sentral rolle i forbindelse med høgtider, feiringar og ulike tradisjonar. Her kan vi også vere med på å fremje barnas nysgjerrigheit og undring over likskap og forskjellar.
• Språkutvikling: under måltidet set vi i ro, vi set rundt bordet og kan få god blikk-kontakt - noko som skaper ein god arena for språkutvikling. Vi benevner pålegget og maten vi ellers et, vi syng bordvers, vi øver på å lytte til kvarandre og vi hjelper barna med å sette ord på ulike smaker.
• Estetisk erfaring: servere måltida slik at det ser innbydande ut, og bruke ulike grønnsaker eller frukter som gir maten eit estetisk løft - noko som igjen kan auke appetitten. Barna tek også i bruk mange ulike sansar.
• Mengd, rom og form: kva kan vi ete mykje av, kva et vi berre litt av, ulike former på frukt og grønt, klassifisering - blå kopper, runde pålegg, smørepålegg osv.

Her i Tusenfryd er vi så heldige at vi har eigen kjøkkenassistent som jobbar med å setje saman sunne menyar der maten blir tilberedt frå "bunnen" av, med vekt på bruk av sunne råvarer. Variasjon er også eit viktig moment som blir vektlagt.
I det daglege prøvar vi å ta med barna på ulike aktivitetar - også når det gjeld førebuing av måltid. Barna får kvar sin gong vere med på hovudkjøkkenet for å hente pålegg, grønnsaker, brød og melk. Vi brukar dei små handlevognene og bilder av det vi treng til dette.

Når vi har fått maten på bordet får barna servert ulike grønnsaker i tillegg til brød og pålegg. Ofte vel dei ut i fra det som ser mest fargerikt ut. Det blir mykje smaking, utspytting, og smaking igjen, før dei som regel finn sine favorittar.

Når vi feirar bursdag er det fruktsalat med vaniljekesam som blir servert. Her bruka vi varierte frukter - litt etter sesong. Dei små likar godt å sitte og plukke dei små fruktbitane og kjenne på dei ulike smakane. Her øver vi mykje motorikk - både med å prøve å ete med skjei, og med å bruke pinsettgrep for å plukke bitane med fingrane.

Kvar tirsdag er det suppe og kvar torsdag er det varm lunsj som består av ulike middagsrettar. Her er det stor variasjon i kva som blir servert og barna er heldige som blir eksponert for så mange ulike smaker. Dei større barna på dei andre avdelingane deltek ofte i tilbereiinga av varmmaten.

Det er stor stas blandt dei små når dei får servert desse måltida. Då tek dei i bruk sansane sine til å sjå på, lukte på, smake på og føle på. Litt går i munnen, litt dett ned og litt skviser dei mellom fingrene eller trykker utover bordet. Og likar vi det ikkje kjem det skiver på bordet etterkvart.

Alt i alt er måltida ein sosial arena der vi kan vere med på å skape eit sunt og naturleg forhold til mat og helse.




Informasjon henta 20.9.2018 frå: http://mhfa.no/wp-content/uploads/2017/09/Maaltidet_som_pedagogisk_arena_HR.pdf  

Små utforskere på tur

Då nokre av barna vart litt lei seg over å ikkje få vere med løvetanna på tur, bestemte vi oss for å ta oss en liten tur til fots i gata bak barnehagen. Her er det lite trafikk og det føles trygt og godt å kunne bevege seg litt fritt der.

Det var små ivrige kropper som tassa rundt og såg seg undrande omkring på det «nye» landskapet som openbarte seg. Dei fann mykje som dei ville ta og føle på, og ansikta lyste av glede over å finne små skatter som ein Stein, ei kongle, ei grein eller ein pinne. Fingrane fann også opningar i gjerdet som dei kunne utforske og undre seg over. Papirdunkane og plastsekkane fanga også interessa til nokre av dei små.

Rett før vi var tilbake ved barnehagen kom det også ein kjælen pus. Nokre syns den var litt skummel medan andre ville prøve å nå tak i den.

Små barn bruka sansane sine på heilt andre måtar enn vi vaksne ofte tek oss tid til å gjere. Dei kjenner på, smaker på og lukta på ting for å gjere seg kjende med det vi omgir oss med. Dei var ivrige etter å vise fram det dei fann, og la sikkert merke til mykje som vi vaksne sikkert ikkje hadde sett om vi var åleine på tur.

Sjølv om dette kan virke som ein liten tur sett i vaksne auge var den full av nye opplevingar som vi kunne samtale og undre oss over. Og det var ein akkurat passeleg tur til å bli litt sliten før mellommåltid og soving

Tilbakeblikk på hausten midt i julemoroa.

På Blåklokka(småbarnsavdelinga for dei minste småbarna), har vi gjennom hausten hatt fokus på Fysisk aktivitet og uteliv, som også er eit satsingsområde for heile barnehagen barnehagåret 2017/2018.

Vi har jobba med at dette då skal synligjerast i kvardagen vår, gjennom valg av tema og aktivitetar og det fysiske miljøet. Den nye Rammeplanen for barnehagar framhevar barnehagen si rolle i det å legge til rette for at barn skal få oppleve rørsleglede, matglede og matkultur, mentalt og sosialt velvere og fysisk og psykisk helse. Vi støttar oss til teoriar om at fysisk aktivitet og ei god fysisk helse påverkar mennesket si psykiske helse på ein positiv måte. Vidare veit vi at utvikling av god og sunn livsstil i barneåra, er viktig for god helse i vaksen alder. Vi vil at barna skal oppleve glede og mestring , samt velvære og positiv livsutfalding gjennom deltaking i fysisk aktivitet både ute og inne i barnehagen, og på turar i naturen.

Gjennom arbeidet med kropp, rørsle, mat og helse skal barnehagen bidra til at barna vidareutviklar motoriske ferdigheiter, kroppskontroll, koordinasjon og fysiske egenskapar.

Gjennom hausten har vi hatt "Prosjekt ball". Ball og ballar er alltid noko som fasinerar barn. Dei varierar i størrelsar, fargar, overflate, tyngde og bruk. Vi har introdusert barna for ulike ballar som kan stimulere barna sin taktil sans med sine  ulike former, overflater, struktur, størrelsar og fargar. Vi har leika og eksprimentert med ballar, kva ball sprett høgast, er størs, minst, tyngst, lettast, rullar lengst, og sortert dei etter fargar og storleik. Vi har trilla ball, kasta og sparka.

For å fremme meir fysisk aktivitet har vi hatt det som vi har kalla "vekas aktivitet". Vi har gjort alt frå krype, åle, hoppe, springe, balansere sile m.m.

På avdelinga har vi hatt stor suksess med å henge opp turnringar og trapes. Desse er i bruk stort sett heile dagen. Balansesyklar for dei aller minste stimulerar også til fysisk aktivitet.

Denne hausten gjekk barnehagen til innkjøp av elektriske vogner. Det har gjort at vi har komt oss mykje på tur i nærmiljøet, gjennom heile hausten. Barna har sete mest i vognene, men vi ser at det gir dei stor glede å kome seg ut på tur og få felles opplevingar i lag med gode vener!

 

 

Ferieåpen barnehage☀️🌧🌤

I Tusenfryd barnehage hadde vi som vanleg ferieåpen barnehage i veke 28. Barnegruppa var sjølvsagt kraftig redusert og vi tilpassa aktivitetane i forhold til dette. I år var det ca 20 barn (27 plasser) som benytta seg av tilbudet. Vi hadde difor ei lita gruppe med 2 vaksne på småbarnsavdelinga og ei litt større gruppe på Solsikka/Løvetanna. 

5 av det faste personalet og ein kjekk ferievikar var på jobb og gjorde sitt beste for å ha ei litt alternativ "ferieveke". 

Det har vorte mykje kjekk leik både ute og inne.  Vi har også baka, hatt kino, laga fruktspyd og fruktsalat, gått tur, spelt sports-wii, vaska leiker, merka hyller, gjort gartnerarbeid og sådd gras og mykje meir. Jakob har vore populær og kul vikar som ungane har satt stor pris på. Siste dagen feira vi 16-årsdagen hans og overraska han med kake og sang. Tradisjon tru hadde Randi og Marianne laga bursdagskrone😂😂. 

No tek vi ferie fram til 8.august (planleggingsdag for personalet den 07.08.). 

Vi ønsker alle, store og små, ein riktig god sommar!! ☀️

ARBEIDSVEKE FOR 9.KLASSINGAR

Denne veka har vi fem 9.klassingar frå Stranda ungdomsskule på arbeidspraksis. Nokon av elevane gjekk sjølv i Tusenfryd då dei var små, og det er kjekt å sjå dei att som "vaksne", ansvarsbevisste ungdommar. 

Vi ønsker å bidra til å gi dei kunnskap om yrkesgruppene assistent, fagarbeidar, kjøkkenassistent og barnehagelærar og kva utdanning desse yrka krev. Gjennom praktisk deltaking bidrar vi til at elevane får eit realistisk bilete av arbeidslivet i barnehagen. Dei får prøve seg på både omsorg, danning, leik og læring i tillegg til meir praktiske oppgåver. 

Vi håper dei får ei morosam og lærerik arbeidsveke! 

Klar for nye utforskingar

Det er stille på kontoret, der eg sit og jobbar. Kontordøra står som vanleg åpen og eg ser rett over gangen mot Blåklokka, småbarnsavdelinga. Døra inn dit går opp, og eg høyrer ei kjend stemme som ropar. På små men stødige og målretta bein, kjem "Johan" mot barnegrinda i døråpninga. Utan at orda er heilt forstålege, veit eg kva han vil. Han trykker den lille peikefingeren sin på knappen og prøver å åpne grinda. Han ser på meg, og eg veit at han ber om hjelp til å åpne. Difor seier eg: "Skal vi åpne grinda, Johan?" Han ser forventningsfullt på meg i det eg åpnar. Han går raskt bortover gangen, medan han stadig snur seg for å sjå at eg er der, og kjem etter. Stadig oftare vil Johan ut for å utforske meir av barnehagen. Han har hatt eit trygt og godt år på småbarnsavdelinga, men no viser han tydeleg at han er klar for å utforske og beveger seg mot dei andre avdelingane og dei eldre barna. Ei lita stund ser vi på dei store barna som leiker, før han ser opp på meg, snur seg og går mot småbarnsavdelinga og kontoret. Raskt svinger han inn på kontoret, set seg på golvet og begynner å hente ut kataloger som han studerer litt før han bytter den ut med ein ny.

Eg fortsetter med arbeidet mitt, og etter ei lita stund er Johan ferdig med kontorjobben. Han reiser seg og går mot dørgrinda igjen, trykker fingeren på knappen og ser spørjande opp på meg. Saman åpnar vi grinda og han går inn medan han ropar på Anna, som står og ventar på han. No ser han seg ikkje tilbake, det treng han ikkje. No er han tilbake hos trygge, gode Anna.

På tur i ruskevær!

Etter frukost bestemte Blåklokka seg for å gå seg ein tur, så vi kledde godt på oss og la avgårde i ruskeværet. Vi såg mykje spennande på tur, både elv, bekkar og mange sølepyttar vi kunne hoppe i! 

Når vi nesten hadde komt ned til barnehagen såg vi ein makk som var på svømmetur i ein sølepytt! Vi undra oss på kvar den skulle, og kom fram til at den nok skulle svømme bort til barnehagen på besøk,  så i morga må vi ut å sjå om vi ser den att. 

MAGISK PÅSKESAMLING

I dag var Blåklokka på ein magisk tur til "fjellet". I sekken hadde vi pakka påskeegg, kakao, appelsin og kvikk lunsj. Vi utforska påsketradisjonar i fellesskap og smakte på det gode innhaldet i sekken. Fornøgde barn retunerte den lange vegen tilbake med sjokolade rundt munnen og nokon med ski på beina.

Sanserommet vårt.

Vi har mange fine stunder på sanserommet, som er eit eige rom på småbarnsavdelinga. 

Sanserommet skal være eit rom der vi kan kontrollere sanseinntrykka og vi kan tilrettelegge etter ulike behov.  I ein hektisk kvardag kan det vere godt for barna å få trekke seg tilbake inn i eit rolig rom som kan redusere stress og kaos.

Dette er eit rom der dei kan sjå, føle, lytte og utforske dei ulike elementa som er der.

Boblerøret skiftar farge i rolig tempo, ein kan kjenne strømningane inni røret, høyre suset fra boblene og det er svalt å ta på.

Prosjektoren lager et bevegelig bilde i forskjellige fargar på veggen. Bilda som prosjektoren vår viser, er av ulike fiskar.

Teppet med fiberoptisk lys, skiftar fargar og gir ein lun og god følelse av rommet.

Dei fiberoptiske lystrådane kan ein ta på, holde, fange og føle.
I sittesekken kan ein sitte å studerer dei ulike elementa og ta innover seg dei ulike sanseinntrykka i rommet. Eller å hoppe opp i og kjenne at ein forsvinn litt nedover i sekken. 

I tillegg har vi store speil som reflekterar dei ulike fargane i rommet, og som det er kjekt å studere seg sjølv i.

Med sanserommet ønsker vi at barna skal kunne få bruke sansane i eit rolig miljø. På denne måten får ein brukt sansane optimalt utan andre forstyrrelsar for hjernen.

Luciadagen 2016

Julekino i Bhg

I dag var det klart for julekino i barnehagen og det var mange spente ansikt som stod klare i kø utanfor kinosalen vår. Alle fekk utdelt pengar og var klar til å handle i kiosken og kjøpe billett til kinoen. 

Spente og forventningsfulle fekk dei med seg saft og french fries inn på kinoen og fant seg ein plass. 

Da var vi klare 😃 Ei kjekk stund der vi fekk samla både store og små! 😊

Testing av eigenprodusert snø❄️

Etter produksjon av snø i går ettermiddag og kveld, fekk vi på Blåklokka i dag testa ut den kunstige snøen. Vi trengte ikkje store hellinga for at det fungerte med rumpeakebrett. Jentene testa først. 

Snøen viser seg å vere godt eigna. Tørr og kompakt, gir god glid. 

"Petter 2 år" testa først uten rumpeakebrett, men erfarte fort at det var lite effektiv. Han var rask å hente seg eit akebrett, for så å prøve igjen. Jaaaa, det var gøy!!!

Jentene lurte på om denne snøen smakte like godt som den naturlige. 

"Hanne", drog av våttane, og tok seg ein god neve med snø.  "Mmmmmmm", høyrer vi begeistra. "Var det godt?", spør eg. "Jaaaa", svarar ho tilbake. 

Dissene blei også dekt av snø i løpet av produksjonen. Den måtte også undersøkast litt. Skrape litt, klappe på, studere. Spennande!!! 

Førstehjelpskurs for foreldregruppa i Tusenfryd

Av og til opplever vi å måtte stå i vanskelige situasjoner fordi barna våre blir akutt sjuke  eller skadar seg. I barnehagen erfarer vi at det er viktig å tenke gjennom og øve på korleis ein skal handtere slike vanskelege situasjoner om dei oppstår. Personalgruppa har rutiner for jamnleg kursing i førstehjelp og livberging ( også i basseng). 

Vi har fått tilbakemelding frå foreldre om at mange kan tenke seg eit slikt kurs.

Tusenfryd barnehage tilbyr difor førstehjelpskurs for foreldra, no i november. Dette blir i samarbeid med Per Inge Jelle i Stranda Røde Kors. Dei foreldra som vil delta på eit av kursa kan skrive seg på liste i barnehagen. 

🍅🌱Prosjekt "Grønnsakshage" 🌱🍅

I dag fylte vi jord i pallekarmane våre. Vi skal sette poteter, squash, grasløk, salat, tomat og gulrot. Vi gledar oss til å følge med på det! Og til å smake på det som skal vekse! 🌱🍅🌱