Sidan vi berre var fire barn og tre vaksne så vi gjekk utan tauet vårt i dag.
På vegen overfor barnehagen fann vi oss litt is. Vi prøvde å kjenne på og det var veldig kaldt og hardt. Så prøvde vi å gå på, men det var glatt, så nokre datt rett på rumpa! Vi undra oss over korleis denne isen kom på vegen vår, og fann ut at det sikkert var for at det er så kaldt ute. :)
Vi såg også busker og tre med rim på, og det såg jo nesten ut som snø! I elva rann det vatn, og det forsvann under oss! Det måtte vi forske litt på, så vi gjekk på den andre sida for å sjå om vatnet kom att der. Vi lytta også for å høyre om det var fuglar i trea, og jammen hørte vi skjæra!
På brua trampa vi så hardt vi klarte, vi ropte til og med på trollet! Vi måtte stå å vente ei lita stund i tilfelle trollet vaka, men det kom ikkje noko troll i dag.
Vi fann oss også ein traktor å sjå på, den var grøn og kjempestor! Den hadde stooore hjul, og dei var raud inni, kjempe kul var den!
Vi fekk sjå og oppleve så mykje på denne lille runden vår rundt byggefeltet. Vi brukte sansane våre til å sjå, høyre og føle. Vi samtala kring ulike element i naturen, bl.a vatn, is og snø. Vi undra oss over kvifor det blir is, om korleis vatnet renn i elva, om kvifor fuglane er i trea og kvifor det ikkje budde troll under brua. I tilegg øvde vi oss på å gå på kanten og bruke fortau når vi gjekk på vegen, slik at vi var sikre i trafikken. Sjølv om dei ikkje er så store enda får dei med seg så utruleg mykje, og dei har kunnskap og tankar kring det meste.
Ein koselig tur der vi hadde mange fine opplevingar ilag! :D
Ingen kommentarer:
Legg inn en kommentar